APROFAR é a única escola de Galicia acreditada pola Consellería de Traballo e Benestar da Xunta de Galicia para impartir o Certificado de Profesionalidade de Panadería e Bolería. Xa foron tramitadas as solicitudes de novos cursos deste tipo para os anos 2017 e 2018. A través da nosa web manteremosvos informados das próximas datas e prazos de inscrición.

Desde os inicios de APROFAR tiñamos moi clara a necesidade da profesionalización do sector. Este supuxo un dos motivos principais do nacemento da Escola APROFAR. Por este motivo, seguimos loitando para impulsar unha axeitada formación de calidade para @s nos@s asociad@s. Consultamos a Guía de Actividade Empresarial de “Despacho de Pan e bollería artesanal”. Un proxecto desenvolvido polo BIC Galicia en colaboración coa Consellería de Asuntos Sociais, Emprego e Relacións Laborais e a Axencia de Desenvolvemento Rural (AGADER). Segundo datos recollidos no documento:

• Durante o traballo de campo realizado, todos os xerentes entrevistados destacaron a elevada dificultade para encontrar panadeiros cualificados en Galicia, polo que nalgúns casos, as empresas recorren a aprendices ou familiares sen experiencia, pero con ganas de aprender o oficio.

Esta afirmación apoia a nosa aposta pola profesionalización do sector. Xa que cada vez máis, necesítanse profesionais cualificados que saiban e poidan desenvolver esta profesión.

Un dos problemas ao que nos estamos a enfrentar os despachos de pan e bolería é, sen dúbida, o incremento das vendas de masas conxeladas. Desde hai uns anos, en calquera grande superficie o usuario recibe información “enganosa” sobre pan recén forneado. O que non soen saber é que se trata de pans conxelados que se cocen no momento da súa venta, pero que ao día seguinte non conservan as características propias dun pan artesán de calidade. Os baixos prezos e unha axeitada estratexia de marketing destas plataformas fai que o consumidor compre un produto que non se axusta de todo ás súas expectativas.

Sen embargo, o sector segue medrando. Segundo datos do Ministerio de Agricultura y Pesca, Alimentación y Medioambiente no informe Sector Panadería y Pastas alimenticias de abril do 2017:

• Do total da Industria Alimentaria con 28.101 empresas, 10.083 de ditas empresas pertencen ao sector da Panadería e Pastas alimenticias. Presentando así un total de 76.921 postos de traballo.

Por todo isto, desde APROFAR consideramos imprescindible a unión dos forneiros artesáns para continuar producindo o pan galego “de sempre”. Grazas a estas inquedanzas xurdiu a iniciativa da solicitude da IXP do Pan Galego. Esta iniciativa posta en marcha por FEGAPAN, APROFAR e outras asociacións galegas persegue a conservación do noso pan como un referente nacional e internacional.

Enlaces de interese:

http://www.pandecalidad.es/blog/tags/tag/escuela-de-panaderia