O pasado 16 de maio, coincidindo con San Honorato Patrón dos Panadeiros,  os nosos asociados acudiron ás instalacións de APROFAR. Nesta xuntanza falouse de temas de actualidade como a situación do IXP do Pan Galego. Ademais, presentouse o novo portal web da asociación. Aos que o traballo llelo permitiu achegáronse a Bergondo para ser parte activa neste novo paso de APROFAR.

O grupo de comunicación, Transversal Comunícate, explicoulle aos asociad@s os obxectivos da creación desta web:

• Presentar a nova imaxe de APROFAR, renovada e actualizada.
• Abrir unha nova canle de comunicación entre APROFAR e os seus asociados.
• Ofrecer unha plataforma que permita dar maior difusión ao IXP do Pan Galego.
• Mellorar a oferta formativa da asociación, sen limitarse tan só aos asociados senón a calquera profesional do sector.
• Nova incorporación dunha área privada de asociados para realizar unha axeitada xestión das compras conxuntas.
• Presenza dixital das panaderías dos asociad@s, con información actualizada e veraz.
• Presentar os novos servizos nos que APROFAR está a traballar para os seus asociados.
• Medrar con novos asociados que non coñezan a asociación.

En resumo, esta xuntanza permitiu o intercambio de ideas, a identificación de necesidades detectadas por parte d@s asociad@s e a posta en común do futuro do sector. 

APROFAR quere seguir medrando da mán dos que forman parte deste proxecto, vós os nosos asociados. E é por iso que contamos cun novo Departamento de Marketing e Comunicación. Xa que este vai a ser o encargado de definir a nosa presenza dixital, contribuíndo tamén ao desenvolvemento de novos servizos e á ampliación da nosa oferta formativa. 

Queremos comezar este novo percorrido xuntos. Por iso, abrimos esta nova vía de comunicación c@s nos@s asociad@s para que formedes parte activa del e así seguir medrando con máis forza.

Desde APROFAR queremos deixar as portas abertas a tod@s aqueles profesionais interesad@s neste proxecto. Se aínda non eres socio e queres máis información non dubides en contactar con nós.